هنغيرك
برضاكي ولا غصب عنك .... هنغيرك
من كل خاين بيشوه صورتنا..... هنطهرك
لو حتي قالوا خاين برضوا ......هغيرك
هنفرحك من كل حزن عيشتي فيه.. هنغيرك
... انتي اكتر واحده عارفه اني مش خاين ترابك
مش ماسوني ولا صهايني ولا تمويل اجنده امريكاني
انتي عارفه اني ابنك .. واني متبهدل عشانك
كل ده عشان بقول عايزها عدل
قالو عني عميل وهمجي وبن كلب
طب تفتكري انا هاكون عميل لمين
ولو هبيع ترابك هلاقي زيه فين
ارض اهلي وارض الماضي واللي جاي
بسهوله هفرط فيهم للصهاينه والامريكان
ويقولولك بياكل كفيار طب ليه ؟
هو انا اللي صدرت غازك لاسرائيل؟
وانا برضوا اللي لوثت نيلك بالمبيد؟
وانا اللي زرعت ارضك بالبذور المسرطنه؟
وانا اللي اخرتك تلتميت سنه لورا؟
وانا اللي غرقت عباره السلام؟
وجبت لاخويا وياه ابني ورم الخبيث ومش لاقي علاجه؟
وانا اللي مضيت مع الخونه اخواتي علي دخول الغرب العراق؟
وانا اللي قبلت بدم اخويا في القدس ينزل وانام ؟
اسكتي متخلنيش افتح ملف جويا من سنين
م الاخر انتي هتتغيري بكل مافيكي
من فساد شايفه وكنتي مغصوبه عليه
هنطهرك
وكل مصري هيغيرك