فلسفه حـــــــــــــــمـــــــــار

عجبي عليك يابن ادم يا كبير الدار
قومت الدنيا وماقعدت لما قالوا حمار
هو اسمي شتيمه ولا جنسي عار
خلقني ربي وخلقك ولا حدش له خيار
وانا مهما زاد الحمل فوقي صابر علي المشوار
لا في يوم اقول اشمعني اخويا واخد منه التار
ولا يوم ابص لرزق غيري واطق منه واغار
ولا ارفع في يوم عيني علي جارتي واصون الجار
ولا مهر ادفع لحمارتي وشبكه وسوار
ولا شقه اجمع في تمنها ولا اجهزه دار
ولا حرمي حامل تتوحم علي الكافيار
ولا بنت تخرج عن طوعي وتجيب العار
ولا ابن يدمن ويهلوس ويقع وينهار
عايش في حالي متهني وليه وافكار
باكل واشرب وانهق ومافيش اسرار
وعندي ابن ادم يخدمني ليل ونهار
وان جعت يشتري برسيمي باغلي الاسعار
وفي مرضي يفضل يعالجني ويدعي يا ستار
خادم امين من غير راتب ولا حتي ايجار
والحين عرفت يابني ادم
مين فينا حمـــــــــــــــــــار ؟؟